Të nderuar miq e shokë !

            Jemi mbledhur në këtë ceremoni mortore për t’i dhënë lamtumirën e fundit, babait, vëllait, mikut e shokut tonë të dashur, Levendit.

            Levendi lindi në fshatin Fterrë të rrethit të Sarandës në vitin 1922 në një familje të thjeshtë fshatare që merrej me bujqësi e blegtori.

            Që i vogël Levendi i u bë krahë babit të tij, Taros, në punët e përditshme.

            Si gjithë familjet fteriote, edhe familja e Levendit përkrahu luftën Nacionalçlirimtare. Vetë Levendi mori pjesë me armë në dorë në Brigadën e 19 Sulmuese deri në çlirimin e vendit.

            Mbas çlirimit, u kthye në Fterrë, në fshatin e tij të lindjes, dhe u muarr përsëri me punët e fshatit.

            U martua me Elma Shkurtin nga ku lindën dhe edukuan 5 fëmijë.

            Kushtet e vështira ekonomike të atyre viteve, e detyruan Levendin që në vitin 1959 të vijë në Tiranë, ku punoi në punë të ndryshme, fillimisht në Ndërmarrjen “21 dhjetori” dhe me vonë në fermën “Gjergj Dimitrov” deri sa doli në pension.

            Edhe pas daljes në pension Levendi organizonte bashkëmoshatarët e tij për të mësuar të rinjve si të kryenin disa procese pune të vështira të fermës, dhe këtë punë Levendi e bënte pa shpërblim.

            Me punën e tij të palodhur, Levendi fitoi respektin e tërë kolektivit punonjës dhe të gjithë banorëve që nga Sauku në Babru.

            Ne, të nderuar miq e shokë, tek Levendi kemi parë njeriun e përkushtuar për punën, njeriun fjalë pak e të mençur, njeriun qokaxhi e të respektuar.

            Me vdekjen e Levendit, familja humbi bashkëshortin, babanë e vëllanë e tyre të dashur, nipërit e mbesat gjyshin e tyre të urtë e të mençur dhe ne, mikun tonë të respektuar.

            I përjetshëm qoftë kujtimi i tij.

            I qoftë i lehtë dheu që do ta mbulojë.

            Në shenjë respekti ndaj tij ju ftoj për n një minutë heshtje.

            I pa harruar qoftë për jetë.

                                                                         Përparim SHKURTI

Nr.48-shkurt 2006